Şäherýaka ugurlar boýunça awtobuslarda ýolagçy gatnatmak işi
Bu gatnatmalar şäherden ýetmiş kilometriň çäklerinde ýerleşýän ilatly ýere çenli ýerine ýetirilýän gatnaw ugurlary boýunça amala aşyrylýar. Awtobuslarda şäherýaka gatnawlarynda ýolagçylary gatnatmak awtoulagy öndüriji zawod tarapyndan bellenen ýolagçylaryň umumy ýerleşişiniň kadalaryna laýyklykda amala aşyrylýar. Jemgyýetiň ähli awtobuslarynda, şol sanda şäherýaka ugurlarda ulanylýan awtobuslarda ugurlara çykmazdan öň arassaçylyk, ýokanç kesellere garşy öňüni alyş-zyýansylandyryş işleri geçirilýär. Ýolagçylara ähli amatlyklary bolan «Hyundai Super Aero City», «Iran Khodro», «Yutong», «PAZ» kysymly täze, döwrebap awtobuslar hyzmat edýär.
