Seýrek öndürilýän «Lamborghini Veneno» iki ýyl bäri täze eýesini gözleýär
«Aventador» -da ýerleşýän dokuz sany «Lamborghini Veneno Roadsters»-iň biri SBX Cars onlaýn bazarynda satuwa çykarylýar. Superkaryň bahasy heniz aýan edilmedi, ýöne Dubaýdaky «VIP Motors» dileriniň 9,5 million dollar sorap, 2022-nji ýyldan bäri satmaga synanyşýandygy mälimdir. Bu barada «Auto.ru» habar berýär.
2015-nji ýylda öndürilen bu «Veneno Roadster», gara we açyk ýaşyl öwüşginli özboluşly daşky hem-de içki dizaýny özünde jemleýär. Ulagyň kapotynyň aşagynda 750 at güýji öndürýän 6,5 litrlik V12 hereketlendirijisi ýatyr. Ol sagatda 100 kilometr tizlige 2,9 sekuntda çykyp bilýär. Ulagyň iň ýokary tizligi 355 sagatda 355 kilometr.
Taryhynyň dowamynda superkar eýelerini iki gezek çalyşdy. Satyjynyň pikiriçe, olaryň biri Saud Arabystanynyň şa maşgalasynyň agzasydy.
«Veneno Roadster»-iň iki ýyl bäri alyjy tapyp bilmezliginiň sebäpleri entek belli däl. 2020-nji ýylda ony RM Sotheby's auksionynda 4,5 ― 5,5 million aralygynda ýewro satmaga synanyşdylar. Täze eýesiniň ýoklugyna garamazdan, awtoulag henizem ulanylýar: onuň geçen ýoly 2020-nji ýylda 450 kilometr bolanyndan häzirki wagta çenli 1778 kilometre çenli ýokarlandy.
